Bengiyakuthobisa masinyane izitha zabo , ngiselulele isandla sami kwabamelene nabo.

Ngalokho i thi iNkosi uJehova Sebawoti , uMninimandla ka -Israyeli: E, ngiyakuzikhulula kwabamelene nami, ngiziphindisele ezitheni zami,

Njengokwenza kwabo, kanjalo uyakubaphindisela: ukufutheka kuzo izitha zakhe, nokwenza kwabo kwabamelene naye, abuyisele eziqhingini izenzo zazo.

uma ngilola inkemba yami ebenyezelayo , nesandla sami sibambelela ekwahluleleni, ngiyakubuyisela impindiselo kwabamelene nami , ngibaphindisele abangizondayo.

Yenanelani abantu bakhe nina zizwe , ngokuba uyakuphindisela igazi lezinceku zakhe, abuyisele impindiselo kwabamelene naye, enzele izwi lakhe nabantu bakhe ukubuyisana.

Nalokhu wathi ngoJuda : Yizwa, Jehova, izwi likaJuda , umlethe kubantu bakubo; izandla zakho mazimlwele, ube lusizo kwabamelene naye.

Lolu suku lungusuku lweNkosi uJehova Sebawoti , usuku lokuphindisela lokuba aziphindisele kwabamelene naye . Inkemba iyakudla isuthe , izanelise ngegazi labo , ngokuba iNkosi uJehova Sebawoti inom hlatshelo ezweni lasenyakatho ngasemfuleni u-Ewufrathe.

UJehova unguNkulunkul u oshisekelayo nophindiselayo ; uJehova uyaphindisela, ugcwele ukufutheka; uJehova uphindisela kwabamelene naye, ugcinela izitha zakhe intukuthelo.