Uyakufa ukufa kwabangasokile ngesandla sabafokazi , ngokuba mina ngikhulumile, isho iNkosi uJehova.

Pho, ufana nobani ngodumo nangobukhulu phakathi kwemithi yase-Edene na? Nokho uyakwehliselwa kokuphansi komhlaba kanye nemithi yase -Edene, ulale phakathi kwabangasokile nabagwazwe ngenkemba . Lo unguFaro nesixuku sakhe sonke, isho iNkosi uJehova.

Udlula bani ngobuhle na? Yehla, ulaliswe phakathi kwabangasokile.

Nawe uyakwaphulwa phakathi kwabangasokile , ulale nababulewe ngenkemba.

Ngenza ukuba esatshwe ezweni labaphilayo , kepha useyakulaliswa uFaro naso sonke isixuku sakhe phakathi kwabangasokile nababulewe ngenkemba , isho iNkosi uJehova.