Bayakufika khona, basuse lapho konke okuzondekayo kwalo nazo zonke izinengiso zalo.

Ngalokho thana kuyo indlu yakwa-Israyeli: Isho kanje iNkosi uJehova, ithi: Niyakuzingcolisa ngendlela yawoyihlo, nilandele ngokuphinga okuzondekayo kwabo, na?

Ngathi kubo: Lahlani, kube yilowo nalowo okuzondekayo kwamehlo akhe , ningazingcolisi ngezithombe zaseGibithe. NginguJehova uNkulunkulu wenu.

Kepha bangihlubuka, abangilalelanga, abalahlanga, kwaba yilowo nalowo okuzondekayo kwamehlo akhe , abazishiyanga izithombe zaseGibithe ; ngase ngithi ngiyakuthulula ukufutheka kwami phezu kwabo , ngifeze intukuthelo yami kubo phakathi kwezwe laseGibithe.

Ngalokho, kuphila kwami, isho iNkosi uJehova, ngokuba uyingcolisile indlu yami engcwele ngakho konke okuzondekayo kwakho nangazo zonke izinengiso zakho , ngalokho ngiyakukunciphisa impela , iso lami lingahawukeli, ngingabi nabubele.