Sanikwa futhi ukuba siwuphe umfanekiso wesilo umoya, ukuze umfanekiso wesilo ukhulume , senze futhi ukuba bonke aba ngakhuleki kumfanekiso wesilo babulawe.

Sase sinikwa umlomo wokukhuluma izinto ezinkulu nenhlamba , sanikwa amandla okwenza lokho izinyanga ezingamashumi amane nambili.

Sanikwa ukuba silwe nabangcwele , sibanqobe; sanikwa futhi amandla phezu kwemindeni yonke, nabantu, nezilimi, nezizwe.

Kwaphuma isikhonyane emsini , seza emhlabeni , sanikwa amandla njengamandla abanawo ofezela bomhlaba.

Sanikwa ukuba singababulali kepha sibahluphe izinyanga eziyisihlanu; nokuhlushwa kwabo kwaba njengobuhlungu bukafezela , nxa emqosela umuntu.

Esokuqala sasinjengengonyama , sinamaphiko okhozi ; ngabheka aze ahluthwa amaphiko aso , saphakanyiswa emhlabeni , samiswa ngezinyawo ezimbili njengomuntu, sanikwa inhliziyo yomuntu.

Emva kwalokho ngabona; bheka, esinye, sinjengengwe, sinamaphiko amane enyoni emhlane; isilo sasinamakhanda amane, sanikwa ukubusa.