UShemaya, indodana kaNethaneli , umbhali ongowamaLevi , wabaloba phambi kwenkosi , nezikhulu, noSadoki, nezikhulu, noSadoki umpristi , no- Ahimeleki indodana ka -Abiyathara, nezinhloko zawoyise babapristi namaLevi; enye indlu yawoyise yakhishelwa u -Eleyazare, nenye yakhishelwa u-Itamari.

Naye uShemaya indodana yakhe wazalelwa amadodana ayebusa indlu kayise, ngokuba ayengamaqhawe anamandla.

Wayesefika uShemaya umprofethi kuRehobowamu nasezikhulwini zakwaJuda ezazibuthene eJerusalema ngenxa kaShishaki , wathi kubo: Usho kanje uJehova, uthi: Nina ningishiyile; ngalokho nami nginishiyile esandleni sikaShishaki.

Thuma kubo bonke abathunjwa , uthi: U sho kanje uJehova ngoShemaya waseNehelamu, uthi: Ngenxa yokuba uShemaya eprofethile kini , mina ngingamthumile, wanenza ukuba nethembe emangeni,

ngalokho usho kanje uJehova, uthi: Bhekani, ngiyakumhambela uShemaya waseNehelamu nenzalo yakhe ; akayikuba namuntu oyakuhlala phakathi kwalaba bantu, angaboni okuhle engiyakwenzela khona abantu bami , usho uJehova, ngokuba ukhulume ukuhlubuka kuJehova.

Emva kwabo kwalungisa uSadoki indodana ka -Imeri malungana nendlu yakhe. Emva kwakhe kwalungisa uShemaya indodana kaShekaniya , umlindi weSango langaseMpumalanga.